Kom koop met vertroue by ons Leeuwbult-produksieveiling (19 Junie 2025)

Top-kwaliteit bulle en vroulike diere. Getoets. Gekeur. Geteel met ’n doel.

Elke jaar bring sy eie uitdagings, maar ook geleenthede om te verbeter, te verfyn, en te groei. Dis presies wat ons hier op Leeuwbult aanpak, en dis waarom ek jou graag wil nooi na ons produksieveiling op 19 Junie 2025. As jy op soek is na betroubare, prestasie-getoetste diere wat waarde gaan toevoeg tot jou kudde, dan is hierdie uitnodiging vir jou.

Wat maak hierdie veiling anders?

Diere op ’n veiling sê nie altyd die volle storie nie. Daarom wil ek hê jy moet weet wat agter elke lot op die Leeuwbult-veiling sit. Ons Fase C-toetstasie is nie ’n bysaak nie, dis 'n kernonderdeel van ons teel-strategie. Dit is waarom ons besig is om dit op te gradeer en uit te brei: omdat ons glo in feite, nie net vermoedens nie, trouens die Leeuwbult Fase C toetsstasie se kapasiteit verdubbel vanaf 1 Junie 2025 weens Leeuwbult se eie, steeds groeiende behoefte

Elke bul en vers wat deur dié proses gaan, is streng getoets, insluitend DNA-profiele vir vaderskap en toetse vir miostatienmutasies. Jy hoef nie te raai oor genetiese integriteit nie,  jy kry die feite, reg voor jou.

Diere wat presteer op meer as papier

Ons weet goeie toetsresultate is net die begin. Daarom gaan ons verder. Nadat die Fase C-toetse voltooi is, gaan die diere terug veld toe. Hulle moet wys hulle kan aanpas, vreet, beweeg en presteer onder Vrystaatse toestande. Dit sluit in droogtes, laat reën of wat ook al die seisoen bring.

Deur ons doelgerigte voervloei, sorg ons dat verse tussen 16 en 18 maande dek-gereed is, ongeag wat die klimaat doen. Dis nie groei ten alle koste nie, dis groei wat sin maak vir die langtermyn.

Wat ons hier teel, is nie lukraak nie. Ons werk voortdurend daaraan om ’n konstante stroom van topkwaliteit verse die kudde binne te bring; diere wat gekies is op grond van data, strukturele korrektheid en praktiese prestasie. Hierdie balans tussen kwaliteit en bekostigbaarheid is iets waarop ons trots is. En iets wat jy op 19 Junie self kan ervaar.

Akkurate teel begin by goeie data

As daar een ding is waarin ek glo, is dit dat jy nie kan verbeter wat jy nie meet nie. Daarom toets ons ook die vroulike nageslag van ons bulle vir GDT (Gekombineerde Doeltreffendheidstoets), VOV (Vroulike Oorlewingswaarde) en karkas-eienskappe.

Ons meet liggaamsmates en gebruik die resultate om beter, slimmer, meer doelgerigte teelbesluite te neem. Dis hoekom jy op Leeuwbult nie net 'n mooi dier koop nie, maar ’n belegging in beter genetika vir jou eie kudde.

Kom koop met gemoedsrus by Leeuwbult!

Ons produksieveiling vind plaas op Donderdag, 19 Junie 2025. Jy’s welkom om te kom kyk, vra, vergelyk en besluit. Elke dier op die veiling is gereed om jou kudde te versterk – of jy op soek is na groei, vrugbaarheid of strukturele balans

Laat weet as jy meer inligting oor die veiling nodig het; een van ons spanlede sal graag help. Ons sien uit om jou te verwelkom. Hier kry jy meer as ’n bul of ’n vers; jy kry insig, ondersteuning en ’n pad vorentoe.

Izak Cronje
Leeuwbult Bonsmara